آه من غربة زمن

وحشني سوق الليل والمدعى
وزقاق الصوغ والمنشية
وحارة الباب والشبيكة
وريع الكحل والسليمانية
وبرحة الرشيدي والشامية
وكأني الآن في غربة
وحشني طعم الهيل
ورشفة زمزم من الدورق
وحشتني مكة القديمة
ازقتها الضيقة
و أخلاق ناسها الحليمة
آه من غربة زمان عايشين فيه
زمان كان الكل لقمه تكفيه
الآن المليون والمليار يبلعهم بلع
وما تكفيه
زمان كان في دحلة وبازان
دحين في نت وعطلان
ما عاد أشم ريحة مكة
ولا في ناس تجلس ع الدكة
ولاعاد العمامة البرتقالية
تزين رأس أحلى شباب مكة
آه من غربة زمن
زمان كان في روشان
حلو و عاجبنا
بالرغم إنو خالي من الألوان
ما كان فيه زيف
لأنه قطعة من خشب
بس فيه تراثنا
وترجمة أزمان سبقتنا بأزمان
كلامي عن مكة ما يخلص
و لا ينتهي
لأنها في القلب
مهما انشغلنا
و عن حبها أبداً ما نلتهي
كلمات وصلتني توصف مكة
و خلتني
أحن لزمان
و أهل زمان
الله يعمرك يا مكه