هبت هبوب الحزم ـــ الشاعر العقيد صالح بن عبدالملك الثبيتي ـ أحد منسوبي شرطة العاصمة المقدسة

شاعر كبير وله صيت واسع ومعروف عنه بقصايده الجزله هذه المره ينفرد بقصيدة خاصة للوطن .
إنه " الشاعر العقيد صالح بن عبدالملك الثبيتي " أحد منسوبي شرطة العاصمة المقدسة .

------------------

هبت هبوب الحزم يا نايم الليل
=
ما كل ليل (ن) تهتني في رقاده


بعض الليالي غيبها يهدم الحيل
=
وبعض الليالي طرزتها السعادة


وباقي الليالي مقفيات ومقابيل
=
لا مرة ولاهي بسكر زيادة


وللحزم ليلن ينقله جيلن لجيل
=
وغصبن عن التاريخ يلزم حياده


جا للكواكب والمجرات تعديل
=
بامر الولي لو كان ماهي بعاده


ليلة حجبنا عن اليمن طلعة سهيل
=
واعلن على الحوثي وصالح حداده

وعين محمد بعده النجم ابو ذيل
=
ايلوح براقه و يقدح زناده

للبرق تكبيره وللرعد تهليل
=
وللبيد مايختاره الله و راده


ولصقورنا موجز ونشره وتفصيل
=
كلن يراهن بالهدف وبعتاده


فالخط الاول علموا بارد الحيل
=
جاكم محمد يا مدور عناده


جنبه ولد نايف زبون المشاكيل
=
في كل شبر من ارضنا له رياده


رجل(ن) عطاه الله على المجد توكيل
=
اتقول ربي خالقه للقياده


ويا دار مصيونه من الضيم والميل
=
ربي كفل بيته وكافل عباده


يادار من دونك عيال(ن) حلاحيل
=
الله خلقها للنصر والشهادة

ويا دار سلمان السعد علك السيل
=
سادك ولا غيرك خلق للسياده